Tamannaah : ఏడాది పాటు సరైన పార్టనర్ తో ఉంటే చాలు నాకు.. డేటింగ్ పై తమన్నా సంచలన వ్యాఖ్యలు

Tamannaah : తమన్నా భాటియా గురించి ప్రత్యేకంగా చెప్పుకోవాల్సిన అవసరం లేదు. దాదాపు 15 ఏళ్ల నుంచి తెలుగు ఇండస్ట్రీలో సినిమాలు చేస్తూ తనకంటూ ఓ ప్రత్యేక గుర్తింపును తెచ్చుకుంది తమన్నా. హ్యాపీ డేస్ సినిమాతో తన కెరీర్ ఒక్కసారిగా టర్న్ అయిపోయింది. అంతకుముందు రెండు మూడు సినిమాల్లో కనిపించినా తనకు అంతగా గుర్తింపు రాలేదు. తమిళంలో కంటే కూడా తెలుగులోనే తనకు హ్యాపీ డేస్ సినిమా బ్రేక్ ఇచ్చింది. ఆ తర్వాత ఇక తను వెనక్కి తిరిగి చూసుకోవాల్సిన అవసరం రాలేదు.

తెలుగులో ఒకానొక దశలో టాప్ హీరోయిన్ గా ఎదిగింది తమన్నా. ఇప్పటికీ తన క్రేజ్ మాత్రం అస్సలు తగ్గలేదు. తన కెరీర్ లో తెలుగుతో పాటు తమిళం, హిందీ, కన్నడ సినిమాల్లో నటించి పలు ఇండస్ట్రీలలో ప్రత్యేక గుర్తింపు తెచ్చుకుంది తమన్నా. ప్రస్తుతం తమన్నా సినిమాల కంటే కూడా వెబ్ సిరీస్ ల వైపే మొగ్గు చూపుతోంది. బాలీవుడ్ హీరో రితేశ్ దేశ్ ముఖ్ తో కలిసి ప్లాన్ ఏ, ప్లాన్ బి అనే వెబ్ సిరీస్ లో నటిస్తోంది.

Tamannaah : మ్యాచ్ మేకర్ గా కనిపించనున్న తమన్నా

ఈ వెబ్ సిరీస్ లో తమన్నా ఒక మ్యాచ్ మేకర్ గా కనిపించబోతోంది. ఇది రొమాంటిక్ ఎంటర్ టైనర్ గా తెరకెక్కుతోంది. అయితే.. తాజాగా టెండర్ ఇండియాను ప్రమోట్ చేసిన తమన్నా.. తనకు ప్లాన్ బీ అంటే ఇష్టమని.. ఏడాది పాటు సరైన పార్టనర్ తో ఉంటే చాలు అని.. డేటింగ్ పై తన మనసులోని మాటను బయటపెట్టింది తమన్నా. కారులో వెళ్తుండగా టిండర్ యాంకర్.. తమన్నాను రెండు ప్రశ్నలు అడుగుతుంది. ప్లాన్ ఏ, ప్లాన్ బీ.. రెండు ప్రశ్నలు అడుగుతుంది. ప్లాన్ ఏ అంటే ఏ పార్టనర్ లేకుండా ఐదు సంవత్సరాలు ఒంటరిగా ఉండాలి. ప్లాన్ బీ అంటే ఏడాది పాటు పర్ ఫెక్ట్ పార్టనర్ తో ఉండాలి.. నువ్వు ఏది సెలెక్ట్ చేసుకుంటావు అని అడగడంతో ఏమాత్రం ఆలోచించకుండా టక్కున ప్లాన్ బీ అని చెప్పేసింది తమన్నా. అంటే.. తనకు సరైన పార్టనర్ దొరికితే వెంటనే డేటింగ్ కు ఓకే చెప్పేలా ఉందన్నమాట.