Anupama Parameswaran : పూజ రష్మికల పరువు తీసేసిన అనుపమ… అలాంటి తప్పుడు పనులు చేయనంటూ…

Anupama indirectly comments on Pooja Hegde and Rashmika

Anupama Parameswaran : హీరోయిన్ అనుపమ పరమేశ్వరన్ తన నటనతో, తన అందంతో సినీ ఇండస్ట్రీలో మంచి పేరు సంపాదించుకుంది. త్రివిక్రమ్ శ్రీనివాస్ దర్శకత్వ వహించిన ‘ అఆ ‘ సినిమాలో నటించి మంచి ఇమేజ్ ను సంపాదించుకుంది అనుపమ. ఆ తర్వాత బోలోడు సినిమాలో నటించి ఫ్యాన్ ఫాలోయింగ్ సంపాదించుకుంది. ఈ మధ్యనే హీరో నిఖిల్ సిద్ధార్థ నటించిన కార్తికేయ 2 సినిమాతో బ్లాక్ బస్టర్ హిట్ అందుకుంది. అయితే రీసెంట్ గా అనుపమ చేసిన కామెంట్స్ ఇండస్ట్రీలో హాట్ టాపిక్ గా మారాయి. ఈ అమ్మడు సోషల్ మీడియాలో ఎంత యాక్టివ్ గా ఉంటుందో అందరికీ తెలిసిందే.

సోషల్ మీడియా వేదికగా అభిమానులతో ముచ్చటించిన అమ్మడు కార్తికేయ 2 సినిమా తర్వాత మీరు ఎలాంటి రోల్స్ చేయాలనుకుంటున్నారు, అందరూ హీరోయిన్లు లాగా కమర్షియల్ హిట్ కోసం చూస్తారా అని ఓ నెటిజన్ అడగ్గా.. అనుపమ షాకింగ్ ఆన్సర్ ఇచ్చింది. అనుపమ మాట్లాడుతూ నేను హీరోయిన్ గా చేసే సినిమాలో స్టోరీని ఎంచుకునేటప్పుడు ముఖ్యంగా గమనించేది కథ. కథలో నా పాత్ర ఆ పాత్ర కథకి ఎంత న్యాయం చేయగలుగుతుంది. అంతేకానీ హీరో భజన చేస్తూ, హీరో తానా అంటే తందానా అంటూ హీరో చుట్టు తిరిగే హీరోయిన్ పాత్ర ఉన్న క్యారెక్టర్స్ నాకు వచ్చినా నేను చేయను. అలాంటి తప్పుడు నిర్ణయం నేను ఎప్పటికీ తీసుకోను.