Jr NTR : ఆస్కార్ నామినేషన్లలో నిలిచిన జూనియర్ ఎన్టీఆర్.. సంతోషంలో తారక్ ఫ్యాన్స్…..

Jr NTR : రాజమౌళి దర్శకత్వం వహించిన ఆర్ఆర్ఆర్ సినిమాలోని జూనియర్ ఎన్టీఆర్ పాత్ర గురించి ఎంత చెప్పుకున్నా తక్కువే అవుతుంది. ఈ సినిమాలో తారకు చేసిన విన్యాసాలు మరియు తన నటన సినిమా మొత్తానికే హైలైట్ గా నిలిచిందని చెప్పవచ్చు. రామ్ చరణ్ మరియు ఎన్టీఆర్ చేసిన సాహసాలకు గాను ప్రపంచ స్థాయిలో ఈ సినిమాకి పేరు ప్రఖ్యాతులు వచ్చాయి. ఈ సినిమాలో ప్రతి సీన్ తెరకెక్కించిన విధానం రాజమౌళి యొక్క దర్శకత్వ ప్రతిభకు నిదర్శనం అని చెప్పవచ్చు. ఈ సినిమాలో కొమరం భీం పాత్రలో ఎన్టీఆర్ జీవించాడు అని చెప్పడంలో అతిశయోక్తి లేదు.

తాజాగా ఎన్టీఆర్ అభిమానులను సంతోషపరిచే ఒక వార్త ఒకటి వచ్చింది. ప్రతిష్టాత్మకంగా ప్రపంచ స్థాయిలో ఉత్తమ నటులకు ఉత్తమ సినిమాలకు ఇచ్చే అవార్డుల నామినేషన్ జాబితాలో జూనియర్ ఎన్టీఆర్ నిలవడం ప్రతి తెలుగువాడు గర్వించయదగ్గ విషయం. ఈ చిత్రంలో ఎన్టీఆర్ ప్రదర్శనకు గాను ఆస్కార్ అవార్డుల నామినేషన్లలో ఉత్తమ నటుడిగా నామినేట్ అవ్వడం గమనార్హం. వెరైటీ మ్యాగజైన్ ఈసారి ఉత్తమ నటుడిగా ఆర్ఆర్ఆర్ సినిమాలో ఎన్టీఆర్ నటనకు ఆస్కార్ నామినేషన్లో ఉంటాడు అన్నట్లుగా అంచనా వేయడం జరిగింది.

Jr NTR : ఆస్కార్ నామినేషన్లలో నిలిచిన జూనియర్ ఎన్టీఆర్

దీనిలో భాగంగా ఆల్ కటెండర్స్ లిస్ట్ లో ఉత్తమ నటుడు క్యారెక్టర్లలో ఎన్టీఆర్ పేరును ఉంచడం జరిగింది.  ఆర్ఆర్ఆర్ సినిమా ప్రపంచవ్యాప్తంగా అనేక రికార్డులు వారి వసూళ్లు సంపాదించడంతోపాటు తెలుగు సినిమాని ప్రపంచవ్యాప్తంగా మరింత ముందుకు తీసుకెళ్లిందని చెప్పవచ్చు. ఈ సినిమాలో ఎన్టీఆర్ ఏ కాక రామ్ చరణ్ కూడా తన అత్యుత్తమ నటనతో ప్రేక్షకుల హృదయాలను కొల్లగొట్టారు. కాగా ఈ విషయం తెలిసిన ఎన్టీఆర్ ఫ్యాన్స్ సోషల్ మీడియా ద్వారా తమ సంతోషాన్ని వ్యక్తం చేస్తున్నారు.