Viral Video : మంచం మీద పడుకున్న మహిళ.. తన మీదికి ఎక్కిన నాగుపాము.. ఆ తర్వాత ఏం జరిగిందో తెలిస్తే షాకే

Viral Video : పామును దూరం నుంచి చూస్తేనే హడలిపోతాం. పరుగుపందెం పెట్టినట్టు అక్కడి నుంచి పారిపోతాం. పాము ఎక్కడో ఉంటేనే అంతలా భయపడితే.. పాము మన దగ్గరికి వస్తే.. మన మీదికే పాము ఎక్కితే ఏం చేస్తాం. అయ్యో దేవుడా.. నాకు ఎందుకు ఈ శిక్ష అని దేవుడిని తలుచుకోవడం తప్పితే మనం చేసేదేం ఉండదు. దేవుడి భారం వేసి ఆ పామును కరవకుండా చూడు స్వామీ అంటూ దేవుడిని మొక్కుకుంటాం.

ఇంకొందరైతే పాము మీదికి ఎక్కిందని తెలియగానే.. ఏం చేస్తారో వాళ్లకే తెలియదు. అక్కడి నుంచి పరిగెత్తుతారు. లబో దిబో అంటూ అక్కడి నుంచి పరుగు లంఖించుకుంటారు. ఓ మహిళ మాత్రం తన మీదికి విషపూరితమైన నాగుపాము ఎక్కితే ఏం చేసిందో చూస్తే అవాక్కవుతారు.

Viral Video : మహిళ మీదికి ఎక్కి పగడ విప్పిన కోబ్రా

ఓ మహిళ తన పొలంలో మంచం మీద పడుకొని ఉంది. ఇంతలో ఓ నాగుపాము మెల్లగా మంచం ఎక్కి పడుకున మహిళ మీదికి ఎక్కింది. ఆ తర్వాత పడగ విప్పింది. ఏదో తన మీదికి ఎక్కినట్టు భావించిన ఆ మహిళ చూస్తే అది నాగుపాము. వెంటనే చాకచక్యంగా వ్యవహరించిన ఆ మహిళా.. అస్సలే కదలకుండా అలాగే బోర్లా పడుకొని రెండు చేతులతో దేవుడిని ప్రార్థిస్తూ అలాగే ఉండిపోయింది. కొన్ని నిమిషాల పాటు ఆ మహిళపై పాము అలాగే పడగ విప్పింది. ఆ మహిళ కదలకుండా అలాగే ఉండిపోయేసరికి ఆ పాము మెల్లగా అక్కడి నుంచి ఆ మహిళకు ఎలాంటి ప్రాణ హాని కలిగించకుండా అక్కడి నుంచి వెళ్లిపోయింది.

ఈ ఘటనకు కొంచెం దూరంలో ఉన్న ఓ వ్యక్తి ఈ ఘటనను వీడియో తీశాడు. ఆ వీడియోను సోషల్ మీడియాలో పోస్ట్ చేయడంతో ఆ వీడియో వైరల్ గా మారింది. సుశాంత నంద అనే ఐఎఫ్ఎస్ అధికారి ఆ వీడియోను తన ట్విట్టర్ ఖాతాలో పోస్ట్ చేసి ఇలా మీకు జరిగితే ఏం చేస్తారు అని క్యాప్షన్ పెట్టాడు. కొన్ని నిమిషాల తర్వాత ఆ పాము ఆ మహిళను ఏం చేయకుండా అక్కడి నుంచి వెళ్లిపోయిందని ఆయన పోస్ట్ చేశాడు. ఇక.. ఈ వీడియోను చూసిన నెటిజన్లు షాక్ అవుతున్నారు. ఆ మహిళ చాలా తెలివితో, చాకచక్యంగా వ్యవహరించి పాము కాటు నుంచి తప్పించుకుంది అంటూ కామెంట్లు చేస్తున్నారు.