Geetha Madhuri : బాబోయ్.. గీతా మాధురి ఫోటోతో వాట్సప్ చాట్ చేస్తున్నారట.. చిక్కుల్లో పడ్డ సింగర్

Geetha Madhuri : మాస్ లేడీ వాయిస్ తో పాట పాడాలంటే గీతా మాధురి తర్వాతనే ఎవరైనా. అవును.. తెలుగు ఇండస్ట్రీలో గీత మాధురి వాయిస్ కు చాలా మంది ఫ్యాన్స్ ఉన్నారు. సంగీత ప్రియులకు తన గురించి ప్రత్యేకంగా చెప్పాల్సిన అవసరం లేదు. కొన్ని వందల పాటలు పాడి తనకంటూ ఒక గుర్తింపును తెచ్చుకుంది గీత. అంతే కాదు.. ఎన్నో అవార్డులను కూడా సొంతం చేసుకుంది. ఎన్నో గొప్ప పాటలను పాడింది. అలాగే.. తెలుగు ఇండస్ట్రీలోనే నటుడిగా ఉన్న నందును పెళ్లి చేసుకొని ఇప్పుడు హాయిగా తన జీవితాన్ని గడుపుతోంది.

అంత వరకు బాగానే ఉంది. కానీ.. తాజాగా గీతా మాధురికి సంబంధించిన ఓ విషయం సోషల్ మీడియాలో హల్ చల్ చేస్తోంది. గత కొన్ని రోజుల నుంచి గీతా మాధురి పేరు, ఫోటో ఉపయోగించుకొని కొందరు వాట్సప్ లో మెసేజ్ లు చేస్తూ మోసాలు చేస్తున్నారట. ఈ విషయం గీతకు చాలా లేట్ గా తెలిసిందట.

Geetha Madhuri : యూఎస్ నెంబర్ తో గీతా మాధురి పేరుతో వాట్సప్ చాట్

యూఎస్ నెంబర్ తో గీతా మాధురి ఫోటో, పేరును తీసుకొని కొందరు వ్యక్తులు వాట్సప్ చాట్ చేస్తున్నారట. గీతకు తెలిసిన వాళ్లతో చాట్ చేస్తూ.. తెలుగు ఇండస్ట్రీలోని హీరోయిన్ల నెంబర్లను అడుగుతున్నారట.

ఎవరో నాలా వాట్సప్ లో చాట్ చేస్తున్నారు. నా ఫోటోను, నా పేరును వాడుకున్నారు. యూఎస్ నెంబర్ నుంచి చేస్తున్నారు. వేరే వాళ్ల నెంబర్స్ అడుగుతున్నారు. అది నేను కాదు. దయచేసి జాగ్రత్తగా ఉండండి. ఎవరి నెంబర్స్ కూడా పంపించకండి.. అంటూ సోషల్ మీడియాలో గీతా మాధురి పోస్ట్ పెట్టింది.

అయితే.. ఇలా సినీ ప్రముఖల పేర్లతో సోషల్ మీడియాలో పోస్టులు చేయడం అనేది ఇప్పుడే జరిగిందేమీ కాదు.. ఇలాంటి మోసాలు చాలాసార్లు జరిగాయి. ఈ విషయంపై పోలీస్ స్టేషన్ లో ఫిర్యాదు ఇచ్చేందుకు గీతా మాధురి అన్ని వివరాలను సేకరిస్తున్నట్టు తెలుస్తోంది.