Naga Chaithanya : స‌మంత‌తో న‌టించేందుకు నాగ చైత‌న్య సిద్ధ‌మా.. దాని గురించి ఏమ‌న్నాడంటే..!

Naga Chaithanya : తెలుగులో మోస్ట్ రొమాంటిక్ కపుల్ గా పేరు పొందిన నాగచైతన్య, సమంత గత ఏడాది అక్టోబ‌ర్‌లో విడాకులు తీసుకున్న విష‌యం తెలిసిందే. వారు విడాకులు తీసుకున్న‌ప్ప‌టి నుండి నిత్యం ఏదో ఒక విష‌యంలో వార్త‌ల‌లో నిలుస్తూనే ఉన్నారు. నాగచైతన్య ఫ్యాన్స్ ఏమో సమంతను టార్గెట్ చేస్తూ ఉంటే.. సమంత ఫ్యాన్స్ ఏమో నాగచైత‌న్య‌ను టార్గెట్ చేస్తూ విమర్శలు చేసుకుంటున్నారు. వారి సినిమా రిలీజ్ స‌మ‌యంలో ఏదో ఒక సంద‌ర్భంలో విడాకుల టాపిక్ రావ‌డం, దానికి వీరు త‌మదైన శైలిలో జ‌వాబివ్వ‌డం, ఆ వెంట‌నే గాసిప్ రాయుళ్లు కొత్త క‌థ‌నాలు పుట్టించ‌డం ఇలా న‌డుస్తూనే ఉంది. ప్ర‌స్తుత ప‌రిస్థితులు చూస్తుంటే నాగ చైతన్య‌, స‌మంత ఇటు రీల్ లైఫ్‌లో కాని అటు రియ‌ల్ లైఫ్‌లో కాని క‌లిసి క‌నిపించే అవ‌కాశం లేక‌పోలేద‌ని అర్ద‌మ‌వుతుంది.

అద్భుత‌మే..నాగ చైత‌న్య న‌టించిన థ్యాంక్యూ చిత్రం రీసెంట్‌గా ప్రేక్ష‌కుల ముందుకు రాగా, ఈ మూవీ బాక్సాఫీస్ ద‌గ్గ‌ర పూర్తిగా విఫ‌ల‌మైంది. ఇక ఇప్పుడు లాల్ సింగ్ చ‌ద్దా చిత్రంతో అల‌రించేందుకు సిద్ధ‌మ‌వుతున్నాడు. అయితే చిత్ర ప్రమోషన్స్ లో భాగంగా నాగచైతన్యకు సమంతతో భవిష్యత్తులో కలిసి నటించాల్సి వస్తే నటిస్తారా అనే ప్రశ్న ఎదురయింది. దీనికి సమాదానంగా.. “భవిష్యత్తులో మేమిద్దరం కలిసి నటిస్తామో.. లేదో నాకు కూడా తెలియదు.. అది కాలమే నిర్ణయిస్తుంది.. ఒకవేళ మేమిద్దరం మళ్ళీ సినిమాలలో నటించే అవకాశం వస్తే అది క్రేజీనే అవుతుంది”.. అంటూ చైతూ తెలిపారు.

Naga Chaithanya : స‌మంత‌తో న‌టించేందుకు నాగ చైత‌న్య సిద్ధ‌మా.

ఇక ఈ మధ్య తనపై వస్తున్న రూమర్స్‌ను చూసి ఎంతో నవ్వుకున్నానని.. ప్రతి వారం ఏదో ఒక రూమర్ బయటకు వస్తుందన్నాడు. తన జీవితానికి సంబంధం లేని విషయాలపై కూడా ప్రచారం జరుగుతోందన్నాడు. మొదట్లో నవ్వుకున్నానని.. ఇప్పుడు పట్టించుకోవడం మానేశానని చెప్పాడు. పరోక్షంగా నటి శోభిత ధూళిపాళతో చై డేటింగ్‌లో ఉన్నాడంటూ కొద్ది రోజుల క్రితం వార్తలు వైరల్ అయిన విషయం తెలిసిందే. దీనిపై కూడా స్పందించిన నాగ చైతన్య చిన్న చిరున‌వ్వుతోనే స‌మాధానం ఇచ్చాడు. కాగా, డైవర్స్ తరువాత ఎవరి కెరీర్‌లో వారు బిజీ అయిపోగా.. ఫ్యాన్స్ మాత్రం నిత్యం ఆ విడాకుల మ్యాటర్‌నే ప్రస్తావిస్తూ రచ్చ చేస్తున్నారు.