Pavithra Lokesh : నరేష్ పవిత్ర డేటింగ్ సీక్రెట్స్… కండిషన్స్ అప్లై…

Pavithra lokesh and naresh agreement conditions

Pavithra Lokesh : సోషల్ మీడియాలో కొద్ది రోజులుగా పవిత్ర లోకేష్, నరేష్ వ్యవహారంపై అనేక వార్తలు వస్తున్నాయి. సినీ పరిశ్రమలో వీరిద్దరి వ్యవహారం ఎంత చర్చనీయాంశంగా మారిందో ప్రత్యేకంగా చెప్పనక్కర్లేదు. సీనియర్ హీరోయిన్, దర్శకనిర్మాత అయిన విజయనిర్మల తనయుడిగా పరిశ్రమలో అడుగుపెట్టిన నరేష్, అప్పట్లో హీరోగా నటించి అనేక హిట్ సినిమాలను చేశాడు. తర్వాత హీరోగా అవకాశాలు తగ్గాక కూడా ఏమాత్రం వెనుకకు తగ్గకుండా క్యారెక్టర్ ఆర్టిస్టుగా చేస్తూ మంచి గుర్తింపును సంపాదించుకున్నారు. ఇప్పుడు సినిమాల్లో క్యారెక్టర్ ఆర్టిస్ట్ గా తండ్రి, మామ పాత్రలు చేస్తూ బిజీ బిజీగా గడుపుతున్నారు. అయితే ఆయన పర్సనల్ లైఫ్ లో ఒకటి కాదు రెండు కాదు ఏకంగా మూడు పెళ్లిళ్లు చేసుకున్నాడు.

ముగ్గురితో విభేదాల కారణంగా విడిపోయిన నరేష్, తాజాగా నటి పవిత్ర లోకేష్ తో సన్నిహితంగా ఉంటున్నారని అనేక వార్తలు వినిపిస్తున్నాయి. పవిత్ర లోకేష్ క్యారెక్టర్ ఆర్టిస్ట్ గా ఎన్నో సినిమాల్లో నటించి మంచి గుర్తింపును సంపాదించుకుంది. పవిత్ర లోకేష్ సుచేంద్ర ప్రసాద్ అనే నటుడిని వివాహం చేసుకుంది. అతడితో కొన్ని విభేదాల కారణంగా విడాకులు కు అప్లై చేసినట్టు తెలుస్తుంది. ఆ కేసు ఇంకా క్లోజ్ కాకముందే, నరేష్ పవిత్ర చట్టపట్టలేసుకొని తిరిగారు. చట్టబద్ధంగా కోర్టులో విడాకులు మంజూరు కాగానే నరేష్ పవిత్ర పెళ్లి పీటలు ఎక్కబోతున్నారని అంటున్నారు. ఇందులో నిజం ఎంతుందో తెలియదు కానీ సోషల్ మీడియాలో మాత్రం వీరిద్దరికీ సంబంధించి అనేక వార్తలు జోరుగా కొనసాగుతున్నాయి.