Health Benefits : చుక్కకూర తినడం వల్ల.. కలిగే ప్రయోజనాలు బోలెడు.

Health Benefits : రోజు మనం తీసుకున్న ఆహారంలో కూరగాయలతో పాటు ఆకుకూరలు ఉండేలా చూసుకోవాలి. మనకు చాలా రకాల ఆకుకూరలు లభిస్తూ ఉంటాయి. ఈ ఆకుకూరలు రోజు ఆహారంలో భాగంగా తీసుకోవడం వల్ల మన శరీరానికి చాలా మేలు చేస్తాయని వైద్య నిపుణులు చెబుతున్నారు. మన రోజు ఆహారంగా తీసుకునే వాటిల్లో చుక్కకూర కూడా ఒకటి. ఈ కూర మార్కెట్లలో విరివిరిగా లభిస్తుంది. దీని ధర కూడా తక్కువగానే ఉంటుంది.

దీనిని చాలామంది పప్పులో, కూర రూపంలో గానీ తీసుకుంటారు. చుక్కకూరలు రోజు తినడం వల్ల మన శరీరానికి కావాల్సిన పోషకాలు పుష్కలంగా లభిస్తాయి. గుండె సంబంధిత వ్యాధులతో బాధపడేవారు చుక్కకూర తినడం వల్ల ఈ వ్యాధి నుండి కొంచెం ఉపశమనం ఉంటుంది. దీనిలో ఐరన్ ఎక్కువగా ఉండటం వల్ల రక్తహీనత సమస్యలను దూరం చేస్తుంది. ఈ కూరలో క్యాలరీలు, కొవ్వు పదార్థాలు తక్కువగానే ఉంటాయి కాబట్టి అధిక బరువు తగ్గాలనుకునేవారు ఈ కూరని డైట్ లో చేర్చుకోవచ్చు.

Health Benefits : కలిగే ప్రయోజనాలు బోలెడు.

చుక్కకూరలో ఉండే పీచు పదార్థాలు తిన్న ఆహారాన్ని వెంటనే జీర్ణం చేయడంలో బాగా సహాయపడతాయి. ఈ ఆకును తీసుకోవడం వల్ల మలబద్ధక సమస్యలు తగ్గుతాయి. అలాగే కంటి చూపు మెరుగు పడుతుంది రేచీకటి సమస్యతో బాధపడేవారు చుక్కకూర తినడం వల్ల ఈ సమస్య కొద్దిగా తగ్గుతుంది. వివిధ రకాల కామెర్లను నయం చేయడంలో చుక్కకూర కీలక పాత్ర వహిస్తుంది. ఒక కప్పు చుక్క కూర రసాన్ని పెరుగులో కలుపుకొని వారం రోజులు పాటు తాగడం వల్ల కామెర్లు పూర్తిగా తగ్గుతాయని వైద్య నిపుణులు చెబుతున్నారు.

తరచుగా రోగాల బారిన పడే వారు ఈ కూర తినడం వల్ల శరీరంలో రోగనిరోధక శక్తి పెరిగి వివిధ రకాల వ్యాధుల బారిన పడకుండా ఉంటాం. జుట్టు రాలే సమస్యలతో బాధపడేవారు వారానికి మూడుసార్లు చుక్కకూర తీసుకోవడం వల్ల ఈ సమస్య తగ్గి జుట్టు పొడవుగా దృఢంగా తయారవుతుంది. చర్మం కాంతివంతంగా తయారవడానికి ఈ ఆకుల రసంలో రెండు మూడు డ్రాప్స్ నిమ్మరసాన్ని యాడ్ చేసి తీసుకోవడం వల్ల చర్మం కాంతివంతంగా ఆరోగ్యంగా ఉంటుంది. ఈ కూర జీర్ణవ్యవస్థ ప్రక్రియను శక్తివంతంగా చేస్తుంది.