రామ్ చరణ్, ఉపాసన దంపతుల కుమార్తె పేరు ఏంటో తెలుసా..?

రామ్ చరణ్, ఉపాసన దంపతుల కుమార్తెకు బారసాల కార్యక్రమం ఘనంగా నిర్వహించారు. ఈ కార్యక్రమంలోనే చిన్నారికి పేరు కూడా పెట్టేశారు. పాప పుట్టినప్పుడే పాపకు ఏం పేరు పెట్టాలో ముందుగానే డిసైడ్ చేశామని రామ్ చరణ్ ప్రకటించారు. దీంతో పాపకు ఏం పేరు ఫిక్స్ చేసి ఉంటారనే ఉత్కంట మెగా అభిమానుల్లో నెలకొంది.

ఈ క్రమంలోనే అందరి ఉత్కంటకు తెరదించుతూ మెగాస్టార్ చిరంజీవి తన మనవరాలి పేరును ప్రకటించారు. ‘కిన్ కారా కొణిదెల ‘ అనే పేరు పెట్టినట్లు చెప్పారు. వినడానికి కొత్తగా అనిపిస్తున్నా ట్రెండీగా అనిపిస్తుంది. అయితే..సంప్రదాయబద్దంగానే పాపకు ఈ పేరును ఫిక్స్ చేశారు. శక్తివంతమైన అమ్మవారి లలితా సహస్రనామ స్తోత్రం నుంచి ఈ పేరు తీసుకున్నారట. క్లిన్ కారా అంటే ప్రకృతి మరో రూపం అని అర్థం వస్తుంది.

అమ్మవారి దీవెనలు పాపకు అందేలా పేరు పెట్టిన అనంతరం ఉంగరం తొడిగినట్లు చెప్పారు చిరు. అమ్మవారి ఆశీస్సులతో పాప గొప్పగా ఎదుగుతుందని ఆకాంక్షించారు. చిరు చేసిన ఈ ట్వీట్ కు అభిమానులు స్పందిస్తున్నారు. పాప పేరు కొత్తగా.. చాలా బాగుందని కామెంట్స్ చేస్తున్నారు. పాపను ఊయలలో వేసి చిరంజీవి తెగ మురిసిపోతున్న ఫోటోను తెగ వైరల్ అవుతోంది.

Also Read : లావణ్య త్రిపాఠి బ్యాక్ గ్రౌండ్ ఇదే..!!