ఆదిపురుష్ పై వివాదం – ప్రభాస్ పై మాధవిలత ఫైర్

రామాయణం ఆధారంగా తెరకెక్కిన ఆదిపురుష్ సినిమా ప్రేక్షకులను మెప్పించడంలో విఫలమైంది. ప్రభాస్ గెటప్ కూడా అంతంతమాత్రమే ఉందని పెదవి విరుపులు వచ్చాయి. రామాయణాన్ని వ్యాపార ధోరణితో చూస్తారా..? అనే ప్రశ్నలు వినిపించాయి. ఈ నేపథ్యంలోనే ఈ సినిమా వివాదంపై టాలీవుడ్ హీరోయిన్ మాధవిలత స్పందించింది.

ఆదిపురుష్ సినిమాపై స్పందిస్తూ అందరూ డైరక్టర్ ను దొబ్బుతున్నారని.. ఇందులో ప్రభాస్ ది కూడా తప్పేనని వ్యాఖ్యానించింది. హీరోకు బాధ్యత లేదా…? అని ప్రశ్నించింది.ప్రభాస్ఇప్పుడు కొత్తగా సినిమాలు చేయడం లేదని, కథ విన్నప్పుడు , డైలాగ్ చెప్పేటప్పుడు ఈ సినిమా స్టొరీ గురించి తెలియదా..? అని ప్రశ్నించారు. డైరక్టర్ ఏదీ చెబితే అది చేస్తారా..? అయినా హీరో చెప్పిందే డైరక్టర్ చేస్తున్నాడు కదా అని చెప్పుకొచ్చింది.

ఈ విషయంలో ప్రభాస్ ఫ్యాన్స్ తనను ఏమన్నా పరవాలేదు. ప్రభాస్ ది కూడా తప్పు ఉందని మాధవిలత వ్యాఖ్యానించింది. మాధవిలత పోస్ట్ వైరల్ కావడంతో ప్రభాస్ ఫ్యాన్స్ మాధవిలతపై ఆగ్రహం వ్యక్తం చేస్తున్నారు. తమ హీరో జోలికి వస్తే సహించమని హెచ్చరిస్తున్నారు.