Marriage Loan : ఒక వ్యాపారం ప్రారంభిస్తున్నామంటే లోన్ ఇస్తారు…పంట పండిస్తున్నాం అంటే రుణం ఇస్తారు…కానీ పెళ్లి చేసుకుంటే కూడా లోన్ ఇస్తారు అంటే నమ్ముతారా.అవును ఇది నిజమే…పెళ్లి చేసుకోవడానికి అయ్యే ఖర్చును రుణం రూపంలో ఇచ్చి EMI ద్వారా స్వీకరిస్తారు. అంతేకాకుండా మినిమం టెన్యూర్ అయితే 0 వడ్డీ , కాస్త ఎక్కువైతే 1% వడ్డీని మాత్రమే విధిస్తారు. ఇక దీనికి పలానా వారు మాత్రమే అర్హులనే నిబంధన ఏమీ లేదు.ఎవరైనా సరే దీనిని తీసుకోవచ్చు. మరి ఆ వివరాలు ఏంటో తెలుసుకుందాం పదండి….
ఇల్లు కట్టి చూడు పెళ్లి చేసి చూడు అన్నారు పెద్దలు. జీవితంలో ఈ రెండు కార్యక్రమాలను ఎలాంటి అప్పు లేకుండా చేసిన వారిని చాలా గొప్పోడు అంటారు. ఎందుకంటే ఈ కార్యక్రమాలను నిర్వహించడానికి అయ్యే ఖర్చు లక్షల్లో ఉంటుంది. ఇంకా హై లెవెల్లో చేసుకోవాలనుకుంటే కనీసం కోటి రూపాయలు ఖర్చు అవుతుంది. అయితే ఈ పెళ్లి కార్యక్రమాన్ని మధ్యతరగతి వారు కూడా చాలా వైభవంగా చేసుకోవాలని అనుకుంటున్నారు. అప్పులు చేసి మరి పెళ్లి ని గ్రాండ్ గా చేసి పదిమందిలో గొప్ప గా ఉండాలి అనుకుంటారు. అయితే కొన్ని సందర్భాలలో పెళ్లి అకస్మాత్తుగా నిశ్చయమవుతుంది. ఇక ఈ సమయంలో లక్షల కొద్ది డబ్బులు ఇవ్వాలంటే ఎవరు ముందుకు రారు. ముఖ్యంగా పెళ్లిని చాలా గ్రాండ్ గా చేసుకోవాలనుకునే మధ్యతరగతి వ్యక్తికి సరిపడా నగదు చేతిలో ఉండదు.
ఇక పెళ్లి చేసుకుంటున్నానని రుణం ఇవ్వమని బ్యాంకుకు వెళ్లి అడిగితే అస్సలు ఇవ్వరు. అలాగే తెలిసిన వాళ్ళు ఇచ్చే పరిస్థితి ప్రస్తుత కాలంలో ఎక్కువగా కనిపించడం లేదు. ఈ క్రమంలో కొన్ని హోటల్స్ లో పెళ్లి చేసుకోనే వారికి యాజమాన్యం లోన్స్ సౌకర్యం కల్పిస్తుంది. మీరు స్టార్ హోటల్లో గొప్పగా పెళ్లి చేసుకున్న తర్వాత పెళ్లికి అయిన ఖర్చును ఒకేసారి కాకుండా లోన్ రూపంలో చెల్లించుకోవచ్చు. ఇక ఈ మొత్తాన్ని ఆరు నెలలో చెల్లిస్తే ఎలాంటి వడ్డీ విధించరు. 1 ఇయర్ పెట్టుకుంటే 1% వడ్డీ విధిస్తారు. దీనినే ప్రస్తుతం MNPL అంటే Marrie now pay later అని అంటున్నారు .అంటే ముందు పెళ్లి చేసుకొని తర్వాత డబ్బులు చెల్లించండి అని అర్థం. రాడిసన్ బ్లూ అనే హోటల్ వారు పెళ్లి అని చెప్పగానే ప్రస్తుతం ఈ అవకాశాన్ని కల్పిస్తున్నారు.
