Viral Video : సినిమాల్లో దొంగలను పోలీసులు ఛేజ్ చేసే సీన్స్ ఎన్నో చూసి ఉంటాం. అవన్నీ రియల్ గా జరుగుతాయా… అదంతా సినిమాల్లోనే కదా అని అనుకుంటాం. కానీ.. ఇప్పుడు మీరు ఈ వీడియో చూస్తే నిజంగా ఇలాంటి ఘటనలు కూడా జరుగుతాయా అని ముక్కున వేలేసుకుంటారు. మీ మైండ్ బ్లాంక్ అవుతుంది. అవును.. అచ్చం సినిమాలో జరిగినట్టుగానే పోలీసులు.. కొందరు దుండగులను కారులో ఛేజ్ చేసి మరీ పట్టుకున్నారు. ఈ ఘటనకు సంబంధించిన వీడియో ప్రస్తుతం సోషల్ మీడియాలో వైరల్ అవుతోంది.
ఈ ఘటన పంజాబ్ లోని ఫిరోజ్ పూర్ లో చోటు చేసుకుంది. అసలే ఇరుకు రోడ్డు. వేగంగా వెళ్తున్న ఓ కారును పోలీసు వాహనం వెంబడిస్తోంది. అక్కడ ఉన్న స్థానికులకు ఏం జరుగుతోందో అర్థం కాలేదు. ఆ కారు వేగంగా వెళ్తూ ఎదురుగా వస్తున్న వాళ్లను ఢీకొడుతూ వెళ్తోంది. వెంటనే పోలీసులు ముందు వెళ్తున్న కారు టైర్లపై కాల్పులు జరిపారు. అయినా కారు ఆగలేదు. దీంతో కారు దిగిన ఓ పోలీసు ఆ కారును వెంబడించి చివరకు ఆ కారులోని దుండగులను పట్టుకున్నాడు.
Viral Video : హెరాయిన్ ను తీసుకెళ్తున్న దొంగలను పట్టుకునేందుకే ఈ ఛేజ్
మారుతి సుజుకి కారులో ఇద్దరు దుండగులు హెరాయిన్ అనే డ్రగ్ ను తీసుకెళ్తున్నట్టు సమాచారం అందుకున్న పోలీసులు ఆ కారును వెంబడిస్తున్న సమయంలోనే ఈ ఛేజ్ చోటు చేసుకుంది. చివరకు కారును ఆపి దుండగులను పట్టుకొని పోలీసులు కారులోని హెరాయిన్ ను సీజ్ చేశారు.
Punjab Police today nabbed 2 drug peddlers after a hot chase. The dramatic turn of events unfolded in broad daylight near Bansi Gate area in the heart of Ferozepur city. The incident was captured on CCTV camera and the recording went viral. pic.twitter.com/UVZOYrieIX
— Gagandeep Singh (@Gagan4344) August 8, 2022
ఈ ఘటనకు సంబంధించిన వీడియో ప్రస్తుతం సోషల్ మీడియాలో తెగ వైరల్ అవుతోంది. ఏమాత్రం భయపడకుండా పరిగెత్తి డేర్ చేసి ఆ దొంగలను పట్టుకున్న పోలీస్ ధైర్యసాహసాలను స్థానికులు మెచ్చుకుంటున్నారు. మొత్తానికి ఆ వీడియోను చూసిన నెటిజన్లు కూడా ఆ పోలీసును మెచ్చుకుంటున్నారు.
