Rajamouli : దర్శకుడు రాజమౌళి ‘ ఆర్ఆర్ఆర్ ‘ సినిమా తర్వాత మహేష్ బాబుతో ఓ సినిమా చేస్తున్నారు. ఈ సినిమా గ్లోబల్ లెవెల్లో రానుందని చెప్పారు. రాజమౌళి మహేష్ బాబు సినిమా కోసం అభిమానులు ఎదురుచూస్తున్నారు. ప్రస్తుతం మహేష్ త్రివిక్రమ్ మూవీ షూటింగ్లో బిజీగా ఉన్నారు. ఈ సినిమా పూర్తయిన తర్వాత రాజమౌళితో చేయబోయే సినిమా సెట్స్ పైకి వెళ్లనుంది. ఈ సినిమా ఎలాంటి నేపథ్యంలో తెరకెక్కనుంది అనే విషయాన్ని రాజమౌళి వెల్లడించారు. ఈ సినిమాను తెలుగుతో పాటు ఇంగ్లీషులో కూడా షూట్ చేయనున్నారట. దీనికి సంబంధించి అన్ని ఏర్పాట్లు జరుగుతున్నాయని తెలుస్తుంది. ఆర్ఆర్ఆర్ తర్వాత రాజమౌళికి హాలీవుడ్ లో మంచి గుర్తింపు వచ్చింది. ఈ క్రమంలో సినిమాలు తెలుగులోపాటు ఇంగ్లీష్ లో కూడా షూటింగ్ చేస్తారట.
Rajamouli : హాలీవుడ్ ఎంట్రీ ఇస్తున్న మహేష్ బాబు…
మహేష్ తో రాజమౌళి తీయబోయే సినిమా ఆఫ్రికా ఖండం నేపథ్యంలో ఓ భారీ సాహసంతో కూడిన థ్రిల్లర్ మూవీగా తెరకెక్కించబోతున్నట్లు వార్తలు వచ్చాయి. ఈ సినిమాలో లోకం చుట్టిన వీరుడు నేపథ్యంలో భారీ అడ్వెంచర్ థ్రిల్లర్ గా ప్లాన్ చేస్తున్నట్టు చెప్పారు. దీంతో మహేష్ బాబు ఫ్యాన్స్ సోషల్ మీడియాలో వైరల్ చేస్తున్నారు. ఈ సినిమాని దసరా సందర్భంగా పూజా కార్యక్రమాలతో ప్రారంభించి వచ్చే ఏడాదికి ఈ సినిమా రెగ్యులర్ షూటింగ్ స్టార్ట్ చేయనున్నట్టు సమాచారం. 2024 సమ్మర్ కానుకగా ఈ సినిమా విడుదల చేసే ఆలోచనలో ఉన్నారు. ప్రస్తుతం రాజమౌళి తన పూర్తి సమయాన్ని మహేష్ బాబుతో చేయబోయే సినిమా కోసం కేటాయించి ఉన్నారు.
ఇప్పటికే ఈ సినిమాకి సంబంధించిన కథ విషయంపై తన తండ్రి విజయేంద్ర ప్రసాద్ తో చర్చిస్తున్నారు. ఇప్పుడు మహేష్ బాబుతో తెరకెక్కించబోయే సినిమాను కూడా మల్టీ స్టారర్ గా ప్లాన్ చేస్తున్నారు. ఈ సినిమాలో తమిళ హీరో విక్రమ్ ముఖ్యపాత్రలో నటిస్తున్నట్లు ప్రచారం జరుగుతుంది. మరోవైపు ఈ సినిమాలో పాత్రను బాలయ్యతో చేయించాలని ఆలోచనలో ఉన్నట్లు వార్తలు వచ్చాయి. ఆ మధ్య అన్ స్టాపబుల్ షోలో రాజమౌళితో సినిమా చేయాలని ఉందని రిక్వెస్ట్ చేసిన సంగతి తెలిసిందే. అందుకే ఈ సినిమాలో బాలయ్య పాత్ర కోసం రాజమౌళి స్క్రిప్ట్ లో కొన్ని మార్పులు చేర్పులు చేయించే పనిలో ఉన్నారట. మహేష్ రాజమౌళితో సినిమా చేస్తే అది తన కెరీర్ లోనే బిగ్గెస్ట్ హిట్ అవుతుందని ఫ్యాన్స్ వేచి చూస్తున్నారు.
